Ива Петреска е млада поетеса и студентка на Медицинскиот факултет. Учествувала на повеќе поетски читања, како што се: „Поетска епизода“ во организација на „Култура Бета“,„Отскочна даска“, настан за млади во рамки на „Скопскиот поетски фестивал“, а неколку нејзини песни се објавени во „Репер“. Времето го поминува во нижење монистра, во разговори со другарките и учење низ скопските кафулиња. Вљубена е во животот и во уметноста, а преку поезијата сака да остави свој печат во светот.
Плетка Да можев сега да те стегнам силно меѓу овие празни дланки, да те растурам како подредена низа, шпил од карти, да те истурам како сируп од капини врз бело платно, да те запечатам како восок на љубовно писмо, да те провејам како свилена крпа на разигран ветер. Да те најдам во светот и да го сле...
