Сузана В. Спасовска дипломирала и магистрирала на Филолошкиот факултет „Блаже Конески“ во Скопје. Објавила седум стихозбирки, а една од нив, Пеперутка од пепел, била и во најтесна конкуренција за националната награда за најдобра поетска книга „Браќа Миладиновци“. Во 2021 година ја објавила научната студија за слободниот стих Слободата на стихот, што е нејзината магистерска теза. Од 2017 година е ангажирана како предавач по македонски јазик на Факултетот за странски јазици при Универзитетот Американ колеџ. Член е на Друштвото на писателите на Македонија. Главен уредник е на електронското списание за литература и други уметности „Блесок“.
ГАЗЕЛИ За некои жени се вели дека чекорат како газели не се знае дали поради нивната брзина во галоп или поради грациозноста на нивната става но секако во тоа се кријат знаењата за тајните колку долго можела да трча златната кошута со Хераклeвиот чекор зад неа или колку бргу се преобразила Дафина во...
